„Зошто е небото сино? За што ќе ми се потребна хемијата или математиката ? Зошто Месечината ја гледаме во различни форми?“
Ако си заинтересиран за природните науки и си поставуваш слични прашања, те покануваме да ни се придружиш на Кампот за природни науки Embrace Science.
Ние сме пет ученика кои се вљубеници во природните науки и се дел од тимот за образование на активното членство на Младите Можат. Наша цел е да им покажеме на младите дека природните науки не се досадни и неразбирливи и дека тие имаат голема примена во секојдневниот живот.
Дводневниот камп ќе се одржи на 22 и 23 Септември во СУГС Никола Карев со почеток од 9:30ч. Планот за кампот е двата дена да се одржат по пет предавања од темите Биологија, Хемија, Математика, Астрономија и Физика. Кампот е наменет за учениците од сите основни училишта од 6то до 9то одделение, а учеството е бесплатно. Учениците ќе биде организирани во две групи:
- Прва група – 15 ученика од 6то и 7мо одделение
- Втора група -15 ученика од 8мо и 9то одделение
Сите заинтересирани ќе ја најдат апликациската форма на овој линк.
