Трибина „Нашата волонтерска приказна“ | Проект Младински локални иницијативи

📣Со цел овозможување на мотивација и повеќе информации за волонтерството, што значи да се членува во граѓанска организација и да се биде дел од младински акции, тимот кој ја имплементира младинската локална иницијатива “Биди промената” организираше трибина за младите во Велес. 🙋‍♂️🙋‍♀️Трибината беше насловена “Нашата волонтерска приказна”. Пред многубројните присутни, поголемиот дел од нив ученици од основните и средни училишта од Општина Велес, најпрво се обрати градоначалникот на општина Велес, г-дин Аце Коцевски со поздравен говор и охрабување за младите да волонтираат а потоа четворица говорници, искусни волонтери од Велес, преку мотивациски говори ја споделија својата приказна и стекнатото искуство што им помогнало преку волонтирањето да се изградат себе си и да израснат во подобри личности и станат професионалци во својата работа. Ангел Гушев од Извидничкиот одред „Димитар Влахов“ Велес, Анастасија Андовска од „Активо“, Ангел Киров од Организацијата на Црвениот Крст и Игор Смилев од еколошката групација „ Гринпауер“ споделија повеќе информации за тоа што значи да се биде волонтер, но и што значи да се биде дел од еден тим во една граѓанска организација.На трибината имаше претставиници, волонтери и од Мировниот корпус на Македонија, млади Американци кои волонтираат и живеат во Велес веќе две години. Тие го истакнаа значењето на младинскиот активизам и преку лични примери објаснија како тој може да им го промени животот на младите на подобро. Трибината се одржа на 📅09.05.2019 (четврток) во 📍Салата на општина Велес. Со овој настан беше одбележан и Денот на Европа (9ти мај). *Трибината е во рамки на младинската локална иницијатива за застапување која ја имплементира тим од 9 млади активисти во општина Велес, како дел од програмата за локален активизам од проектот Младински локални иницијативи. Проектот е имплементиран од Здружението на граѓани Младите можат, со поддршка од Mladiinfo, Youth Bank Hub Western Balkan and Turkey и Европската унија.