- Вовед
Здружение на граѓани Младите можат објавува оглас за ангажирање на тренер/и за обука на наставници (класни раководители) и училишни психолози за водење на училишна програма за ментално здравје за потребите на проектот „All for You(th)“ , финансиран од Европската комисија. Обуката е наменета за наставници кои се класни раководители и училишни психолози и треба да се одржи согласно потребите на програмата за ментално здравје.
Тренерот се очекува да почне со работа од 26 август 2022 г. а целиот ангажман завршува во декември 2022 г. Тренингот е предвидено да се одржи на 29-30 август и 5-6 септември.
- Опис на работен ангажман
Заради исполнувањето на ангажманот предмет на овој јавен повик експертот/ката треба да ги спроведе следните работни задачи:
- Одржување на работни состаноци заедно со проектниот тим (во текот на целиот ангажман);
- Подготовка на нацрт програма за обука за училишна програма за ментално здравје;
- Спроведување на тренинг во 8 модули за 20 наставници и 10 училишни психолози во Скопје;
- Следење на имплементацијата на програмата во училиштата во почетните месеци;
- Подготовка на извештај за спроведената обука и постигнатите резултати
Тренерот/тимот на тренери треба да биде во редовна координација со проектниот тим при спроведувањето на работните задачи.
- Потребни квалификации
- Најмалку 5-годишно релевантно работно искуство во областа на психологијата
- Најмалку 3-годишно релевантно работно искуство во држење на обуки и работилници;
- Искуство во креирање на програми за обука;
- Запознаеност со работата на Младите можат;
- Способност за сумирање и претставување на стручни термини во лесно разбирливи текстови и пораки за наставен кадар;
- Одлично познавање на македонски и англиски јазик;
- Одлични меѓучовечки и комуникациски вештини;
- Проактивност и висока исполнителност со минимален надзор;
- Докажани способности за планирање и организација, и имплементација на активности од зачеток до финално известување;
- Способност за тимска работа во средина во која се почитуваат и промовираат различностите.
- Начин на аплицирање:
Сите заинтересирани кандидати/ки треба да ги достават следните документи:
- Кратка биографија на тренерот/рите
- Финансиска понуда
- Методологија за работа
преку електронска пошта, на [email protected] со назнака: Понуда за тренер/и за обука на наставници и училишни психолози за водење на училишна програма за ментално здравје. Добиените апликации ќе бидат разгледани и оценети од Евалуациска комисија составена од членови на Извршната канцеларија и Управниот одбор на Младите можат.
Рок на аплицирање: 22ри август 2022г., 23:59.
За да добиете увид во програмата и/или прашања во врска со истата обратете се на [email protected]