Младите можат во партнерство со Супортко Кочани започнуваат со имплементација на проектот „Поврзани во криза: Млади што градат отпорност и заедништво“ поддржан од Цивика Мобилитас, чија цел е да се развие и институционализира национален модел за младинско управување со кризи, заснован на партнерство меѓу младинските центри, граѓанскиот сектор и релевантните институции. Проектот започнува во јануари, 2026година и подразбира креирање на Национален протокол за управување со кризни ситуации за млади, кој ќе биде изработен врз основа на резултатите од национално истражување за состојбата, потребите и капацитетите на младинските центри, граѓанските организации и институциите за дејствување во кризни ситуации (пожари, земјотреси, поплави, епидемии) во Скопје, Кочани, Гостивар, Струмица и Битола.

За потребите на првата активност од проектот,  „Анализа и истражување на моменталната состојба со младинските центри и граѓанскиот сектор“,  отвараме повик за надворешен соработник-истражувач.

Се очекува истражувачот да започне со работа на 06.02.2026 година, а целиот ангажман е предвиден со времетраење од два месеци.

Планирани исходи и продукти од спроведувањето на активноста:   

• Спроведено истражување со минимум 500 испитаници и 20 интервјуа
• Подготвен аналитички извештај со препораки (1 документ)
• Презентација на наодите пред експертска група и партнери
• Основни податоци и препораки што ќе овозможат институционална поддршка за системско вклучување на младите во управување со кризи

Потребни квалификации:     

• Најмалку 2-годишно релевантно работно искуство во спроведување на истражувања и анализи на податоци;
• Запознаеност со работата на Младите можат (пожелно е претходно искуство, работно или волонтерско во претходни активности или проекти)
• Високо развиени аналитички вештини;
• Способност за сумирање и претставување на комплексни истражувачки наоди во лесно разбирливи текстови и пораки;
• Одлично познавање на македонски и англиски јазик;
• Одлични меѓучовечки и комуникациски вештини;
• Проактивност и висока исполнителност со минимален надзор;
• Докажани способности за планирање и организација, и имплементација на активности од зачеток до финално известување;
• Способност за тимска работа во средина во која се почитуваат и промовираат различностите.

Начин на аплицирање:

Сите заинтересирани кандидати треба да ги достават следните документи:

• Кратка биографија
• Предлог методологија за работа
• Прилог со референци од претходно искуство (истражување кое претходно е спроведено)

на електронска пошта, на [email protected] со назнака: Понуда за истражувач

Рок на аплицирање: 04.02.2026

Сопственост: Продуктите кои ќе произлезат од ангажманот ќе останат во сопственост на Младите можат. Добавувачот се согласува да не ги користи продуктите надвор од овој ангажман без претходна писмена согласност од Младите можат.

За повеќе информации и/или прашања обратете се на [email protected]