Дали се сметаш себе за тимски играч? Дали си навистина толку социјален/на колку што мислиш дека си? Решавање на проблем во тим или наоѓање компромис, дали ќе успееш?
Back to basics е една од најпопуларните размени на која Младите можат се партнери, се фокусира на комуникација и соработка и се одржува веќе традиционално неколку години по ред во Омен, Холандија, а оваа година датумите се од 7ми до 23ти август 2021.
Учество земаат 11 држави и тоа Холандија, Италија, Бугарија, Литванија, Португалија, Хрватска, Грција, Унгарија, Словенија, Шпанија и Северна Македонија, односно 55 млади!
Back to basics е наменета за млади на возраст од 15 до 21 година, кои не знаат што да прават со својот живот и не можат да одлучат што сакаат да учат или работат.
Доколку сакате да научите нешто повеќе за претприемништво и само-иницијативност, оваа размена е токму за вас!
На кои прашања ќе си одговорите преку размената?
- Како можам да станам подобар претприемач? – Иницијатива.
- Како можам подобро да комуницирам со другите?
- Како треба да се однесувам кога работам во група? – Соработка.
- До кој степен сакам да се осмелам да ги проширам своите граници?
За размената, домаќин организацијата Cherry International има предвидено participation fee од 30 евра.
За патни трошоци предвиден е повраток на средства во висина од 275 евра.
Храна и сместување за време на размената се обезбедени од домаќин организацијата.
Повеќе информации можете да најдете на следниот инфо-пакет.
Сите заинтересирани можат да аплицираат преку пополнување на апликацијата и испраќање на истата на [email protected] и [email protected].
Краен рок за аплицирање е 1ви јули 2021 година.