- Вовед
Здружение на граѓани Младите можат објавува оглас за ангажирање на надворешен соработник – истражувач/истражувачка компанија/организација за потребите на активноста во рамки на проектот „All for You(th)“, финансиран од Европската комисија.
Целта на истражувањето е преку теренски анкети и фокус групи да се идентификуваат ставовите и размислувањата кои младите луѓе од Република Северна Македонија ги имаат на тема политика и политички активизам кај младите. Истражувањето е национално и треба да се спроведе во сите 6 изборни единици во државата. Добиените резултати од истражувањето ќе послужат за реализација на активности на Здружение на граѓани Младите Можат.
Истражувачот се очекува да почне со работа од 01.05.2025 г. а целиот ангажман е во периодот до 31.08.2025 г.
- Опис на работен ангажман
Заради исполнувањето на ангажманот предмет на овој јавен повик истражувачот/истражувачката компанија треба да ги спроведе следните работни задачи:
- Изработка на методологија за истражување
- Подготовка на прашалник за теренски анкети
- Подготовка на прашалник за фокус групи
- Подготовка на насоки за анкетари при реализација на теренските анкети
- Статистичка анализа и подготовка на заклучоци од добиените податоци од теренските анкети
- Статистичка анализа и подготовка на заклучоци од добиените податоци од фокус групите
- Сумирање на добиените резултати и заклучоци во форма на публикација
- Подготовка и доставување на финален извештај за завршената работа со проектниот тим
- Потребни квалификации
- Најмалку 2-годишно релевантно работно искуство во спроведување на истражувања и анализи на податоци;
- Запознаеност со работата на Младите можат (пожелно е претходно искуство, работно или волонтерско во претходни активности или проекти);
- Високо развиени аналитички вештини;
- Способност за сумирање и претставување на комплексни истражувачки наоди во лесно разбирливи текстови и пораки;
- Одлично познавање на македонски и англиски јазик;
- Одлични меѓучовечки и комуникациски вештини;
- Проактивност и висока исполнителност со минимален надзор;
- Докажани способности за планирање и организација, и имплементација на активности од зачеток до финално известување;
- Способност за тимска работа во средина во која се почитуваат и промовираат различностите.
- Начин на аплицирање:
Сите заинтересирани кандидати треба да ги достават следните документи:
- Кратка биографија на експертот или компанијата/организацијата;
- Предлог методологија за работа;
- Финансиска понуда.
преку електронска пошта, на [email protected] со назнака: Понуда за истражувач. Добиените апликации ќе бидат разгледани и оценети од Евалуациска комисија составена од членови на Извршната канцеларија и Управниот одбор на Младите можат.
Рок на аплицирање: 17.04.2025г., 23:59ч.
Сопственост: Продуктите кои ќе произлезат од ангажманот ќе останат во сопственост на Младите можат. Добавувачот се согласува да не ги користи продуктите надвор од овој ангажман без претходна писмена согласност од Младите можат.
За повеќе информации и/или прашања обратете се на [email protected]