Младите можат е невладина, непрофитна и независна граѓанска организација која има за цел да ги оспособи младите луѓе за активно учество во развојот на демократско општество преку активно граѓанство и социјален активизам. Организацијата е основана од млади луѓе и за млади луѓе, со цел да ја сподели идејата за моќта на младите како двигатели на промените во денешното општество.
Основана на 28.05.2009 година од осум ентузијасти, организацијата успеа да прерасне и да обезбеди структура и простор каде младите можат да учат и да се развиваат лично и професионално во критички мислители и проактивни граѓани на својата заедница. Во текот на 15 години постоење, Youth Can бележи брз развој и прерасна во етаблирана и препознатлива младинска организација со повеќе од 100 млади членови и повеќе од 1.000 годишни корисници на своите услуги.
Младите можат им помага на младите да ги изградат своите капацитети и денес гордо располага со голем број обучени волонтери, младински работници, обучувачи, лидери и проектни менаџери во рамките на организацијата.
Мисија
- Да поттикнеме личниот развој на младите преку младинска работа и неформално образование;
- Да ја подигнеме свеста кај младите за активното граѓанство како моќна алатка за влијание врз општествениот развој;
- Да им овозможиме на младите да реализираат младински иницијативи и креативно да ги изразуваат своите мислења и ставови;
- Да ги промовирамњ правата и слободите на младите (младинска мобилност и интеркултурно разбирање).
ЗАМИСЛУВАМЕ ОПШТЕСТВО ВО КОЕ МЛАДИТЕ СЕ ЛИДЕРИ НА ДЕНЕШНИЦАТА