Експерт за комуникациска стратегија за потребите на проектот „Поврзани во криза: Млади што градат отпорност и заедништво“
Здружението на граѓани Младите можат, во партнерство со ЗГ Супортко Кочани, објавува повик за ангажирање на надворешен соработник – експерт за комуникациска стратегија, во рамки на проектот:
„Поврзани во криза: Млади што градат отпорност и заедништво“, поддржан од Владата на Швајцарија преку програмата Цивика Мобилитас.
За проектот
Проектот има за цел да придонесе кон развој и институционализација на национален модел за младинско управување со кризи, преку зајакнување на соработката меѓу младинските центри, граѓанските организации и релевантните институции.
Во рамки на проектот ќе се развие Национален протокол за управување со кризни ситуации кај млади, како системско решение за превенција, реакција и психосоцијална поддршка.
Активностите се реализираат на национално ниво, со фокус на Скопје, Кочани, Гостивар, Струмица и Битола.
Опис на ангажманот
Експертот за комуникациска стратегија ќе биде ангажиран во рамки на проектните активности. Од избраниот кандидат се очекува да:
- изработи комуникациска стратегија за јавната кампања #ПоврзаниВоКриза;
- дефинира план за видливост на проектот и кампањата;
- развие клучни пораки и комуникациски насоки;
- идентификува целни групи и пристапи за нивно вклучување;
- предложи соодветни медиумски канали и комуникациски алатки;
- дефинира активности за активно вклучување на младите;
- обезбеди усогласеност со насоките за јавна комуникација на Civica Mobilitas;
- постави рамка за спроведување на активности на социјални медиуми, јавни настани и медиумски гостувања;
Потребни квалификации
- Минимум 3 години искуство во изработка на комуникациски стратегии и/или јавни кампањи;
- Искуство во работа со граѓански организации и проекти финансирани од донатори ќе се смета за предност;
- Познавање на дигитални комуникациски алатки и социјални медиуми;
- Одлични аналитички и стратешки вештини;
- Одлични комуникациски и презентациски вештини;
- Способност за почитување на кратки рокови;
- Одлично познавање на македонски јазик (познавање на англиски јазик ќе се смета за предност).
Времетраење
Ангажманот ќе се реализира во времетраење од 2 месеци, во период од 01.02.2026 до 10.03.2026 година.
Начин на аплицирање
Заинтересираните кандидати треба да достават:
- Кратка биографија (CV)
- Кратко мотивациско писмо
- Референци или примери од претходно изработени стратегии (доколку има)
- Финансиска понуда
Апликациите се доставуваат електронски на:
info@youthcan.org.mk со назнака: „Понуда за експерт за комуникациска стратегија“ или по пошта/лично во канцелариите на Младите можат на адреса: бул. Илинден бр. 47, Скопје
Рок за аплицирање: 25.01.2026
Дополнителни информации
Сите продукти и резултати од ангажманот ќе бидат сопственост на Младите можат и не смеат да се користат или дистрибуираат без претходна писмена согласност.
За дополнителни информации:info@youthcan.org.mk