Истражувач за анализа на состојбата со младинските центри и граѓанскиот сектор во контекст на кризни ситуации
Здружението на граѓани Младите можат, во партнерство со ЗГ Супортко Кочани, објавува повик за ангажирање на надворешен соработник – истражувач, во рамки на проектот:
„Поврзани во криза: Млади што градат отпорност и заедништво“, поддржан од Владата на Швајцарија преку програмата Цивика мобилитас.
За проектот
Проектот има за цел да придонесе кон развој и институционализација на национален модел за младинско управување со кризи, преку зајакнување на соработката меѓу младинските центри, граѓанските организации и релевантните институции.
Во рамки на проектот ќе се развие Национален протокол за управување со кризни ситуации кај млади, како системско решение за превенција, реакција и психосоцијална поддршка.
Активностите се реализираат на национално ниво, со фокус на Скопје, Кочани, Гостивар, Струмица и Битола.
Опис на ангажманот
Истражувачот ќе биде ангажиран во рамки на истражувањето и од избраниот кандидат се очекува:
– Подготовка на методологијата за национално истражување со комбиниран пристап;
– Изработка на истражувачки инструменти, вклучувајќи анкети и водичи за интервјуа;
– Спроведување на теренско прибирање податоци во целните градови: Скопје, Кочани, Гостивар, Струмица и Битола;
– Анализа на собраните податоци и идентификација на главните потреби и капацитети за делување во кризни ситуации;
– Подготовка на аналитички извештај со наоди и препораки кој ќе служи како основа за развој на Националниот протокол за младинско управување со кризи;
– Презентација и споделување на резултатите со проектниот тим и релевантните партнери;
– Обезбедување усогласеност на процесот со стандардите за квалитет, транспарентност и јавна отчетност на програмата Civika Mobilitas ;
– Почитување на етнички принципи при спроведување на истражувањето, вклучувајќи доверливост, анонимност и заштита на лични податоци на учесниците;
– Редовна координација и комуникација со проектниот тим, како и навремена испорака на договорените резултати и финални продукти.
Потребни квалификации
- Минимум 3 години релевантно искуство во спроведување истражувања и подготовка на аналитички извештаи;
- Искуство во подготовка на истражувачка методологија и анализа на квалитативни и квантитативни податоци;
- Искуство во спроведување интервјуа и фокус групи;
- Искуство во работа со граѓански организации, младински политики или управување со кризи ќе се смета за предност;
- Одлични аналитички, истражувачки и писмени вештини;
- Способност за самостојна работа и почитување на рокови;
- Одлично познавање на македонски јазик (познавање на англиски јазик ќе се смета за предност).
Времетраење
Ангажманот ќе се реализира во рок од 4 месеци. Почнувајќи од 15.01.2026 до 30.04.2026 година.
Начин на аплицирање
Заинтересираните кандидати треба да достават:
- Кратка биографија (CV)
- Кратко мотивациско писмо
- Финансиска понуда
Апликациите се доставуваат електронски на:
info@youthcan.org.mk со назнака: „Понуда за истражувач“ или лично во канцелариите на Младите можат на адреса: бул.Илинден бр.47.
Рок за аплицирање: 10.01.2026 16h
Дополнителни информации
Сите продукти и резултати од ангажманот ќе бидат сопственост на Младите можат и не смеат да се користат или дистрибуираат без претходна писмена согласност.
За дополнителни информации:info@youthcan.org.mk