Промоција на младинско учество – тренинг во Лесковац, Србија

leskovac-grupnaЖивееме во време кога барањето работа може да биде навистина непредвидлив и нефер процес. Младите луѓе се почесто, своите планови за вработување, ги насочуваат надвор од границите на нашата земја. Што не е во ред со нашиот систем? Бројни фактори влијаат на овој проблем. Дали завржувањето на високо образование е доволно за да се најде сериозна работа, или дали неформалното образование дава доволен удел во стекнувањето на потребните вештини и знаења за ефективност на одредена работна позиција? Доколку да, кои се тие вештини и како можам истите да ги искористам при потрагата за работа? Овие прашања се најчесто поставувани од младите во нашата земја, каде процентот на младинска невработува се зголеми на 54%

Многу тренинзи ја опфаќаат истава тема со цел да ја подобрат економската клима и да ја зголемат младинската вработеност. Еден од нив е и интернационалниот тренинг насловен „Промоција на младинско учество за финансиски загрозени млади“ на кој имаа можност да учествуваат Горан Стојаноски и Михајло Тошевски, како членови на Младите можат.

Тренингот беше организиран од НВО „Нардони парламент“ и поддржан од Советот на Европа и се одржа во Лесковац, Србија во периодот од 1 до 7 јуни 2012. Тренингот беше наменет за 30 млади од Србија, Македонија, Романија, Грција, Црна Гора, Босна и Бугарија, кои се соочуваат со социјална и економска исклученост поради невработеноста и финансиските потешкотии причинети од неповолната економска клима и недостатокот на работни места за младите. Дополнително, беа вклучени и учесници од Турција, Азербеџан и Италија.

Учесниците имаа можност детално да научат што е тим билдинг и планирање, нови методи на информално учење и групен менаџмент, како клучни компоненти за имплементирање на проект, а потоа имаа можност практично да го применат знаењето преку серија на вежби, како и интересни и креативни игри и задачи. Во вториот дел од тренингот, учесниците, поделени во тимови, опфатија теми од секојдневниот живот, кои ги засегаат младите на Балканот и работеа на креирање проект кој ќе се справи со овие предизвици на младите.

Десет различни земји, десет различни јазици и триесет млади на едно место. Бура на идеи изградени во една фузија. Си заминаа од тренингот со еден заклучок: Главното решение за младинската невработеност не е завршувањето на високо образование. Нашиот кариерен план треба да биде поддржан со големо работно искуство, со наш активен придонес во заедницата и со наше практично, формално и неформално надградување. Младите мораат да ги разберат вистинските вредности на младинското учество. Не смееме да бидеме жртви на нашиот систем за вработување, туку да го трансформираме во систем каде вработениот ја има главната улога и глас. Активни млади, одлучни да се вклучиме.. ја имаме таа енергија!

Тренинг – Сврти го тркалото на волонтирање и освој кариера

Сте почувствувале ли некогаш дека го давате најдоброто од себе да одите напред но сепак некој невидлив, супер тежок товар на вашиот грб не ви дава да се движите со посакувата брзина? Јас да, и верувам дека не сум единствената. Ја имав таа среќа да учествувам во едукативен тренинг, дел од Млади во акција програмата кој се одржа во Изола, Словенија, под име „Сврти го тркалото на волонтирање и освој кариера“. Морам да признаам дека насловот ме потсети на оние направи-сам книги како Алгебра за Dummies (не знам како да го преведам..) и првично не ја сфатив сериозно целата работа, но по неколку дена се освестив. Јас сум четвртта година средно и без разлика дали мене тоа ми се допаѓа или не реалноста ќе ми чукне на врата веднаш по завршувањето на тестовите, па можеби некој тренинг за градење на кариера добро би ми дошол. И решив да аплицирам. За моја среќа, организацијата од Македонија, Младите можат ме одбра мене заедно со една многу паметна и прекрасна девојка, Марија Филева која се погоди да е прва година факултет и да ги дели истите љубопитности со мене.

Групата се состоеше од 20 учесници и беше многу разновидна, имајќи учесници од целиот Балкан: Босна и Херцеговина, Хрватска, Србија, Словенија и секако Македонија. Покрај сите активности што ги имавме, една од нив беше да работиме во парови, да го држиме партнерот за половината и да не го пуштаме да стигне до целта, и обратно. Тоа беше тоа: сите имавме искуства што не’ држат во место но имаме и онакви што можеби држат други луѓе во место. Преку многуте работилници допревме и до темите Кариерно планирање и Советување каде научивме дека претходните искуства, особено оние што вклучуваат граѓански активизам и разни волонтерски активности се совршен извор за напредок во животот и ги зголемуваат шансите за вработување. Имавме и практични вежби каде навистина моравме да погледнеме длабоко во себе и да ги откриеме нашите внатрешни квалитети, слабости, верувања и начин на живот, да ги дефинираме истите во форма на competences (надлежности?) и објективно да согледаме што сакаме во нашите идни кариери.

Понатаму, имавме шанса да разговараме со претставник на одделот за Човекови Ресурси и двајца Heads of Departments (не знам како да го преведам..) од хотелот Life Class Hotels and Resorts, Порторож. Тие го споделија своето професионално искуство и како тие го искористиле искуството од вон школски активности во нивните успешни кариери. Софија Заклан, учесничка од Србија и јас, добивме шанса да бидеме интервјуирани за отворено работно место за рецепционерка. Добивме добар увид во тоа како да се носиме и презентираме на интервју за работа како и вредности, верувања кои ќе ни помогнат во имање успешно интервју.

Исто така, имавме шанса активно да учествуваме во проект, да се натпреваруваме во тимови за креирање на бизнис идеја која ќе му користи на живописниот град Изола. Посетивме многу младински клубови и организации во Изола и Љубљана да видиме како словенската младина фукционира и кои се активностите во кои тие најчесто се вклучуваат. Како шлаг на тортата ни дојде сесијата за Млади во акција програмата, каде научивме како функционира и кои се можностите кои ги нуди на младите ширум Европа и светот. Не’ инспирираше да го споделиме истото со нашите заедници и да инспирираме други млади луѓе да променат нешто во нивните локални заедници.

За крај, сакам да им се заблагодарам на организаторите што беа прекрасни домаќини и издржаа одлична, динамична група на млади луѓе (т.н. „црногорце са станице зоолошка“).

Сандра Костадинова

Петти Светски Младински Конгрес, Инстанбул

congress-istambul1400 млади луѓе од целиот свет се сретнаа во Инстанбул на Петтиот Светски Младински Конгрес во периодот од 31 јули до 13 август. Активисти, претприемачи, новинари, едукатори и артисти, од 114 различни националности се најдоа на едно место и беа инспирирани да преземат акција на прашања како што се сиромаштија, климатски промени, мир, демократија и човекови права.

Конгресот понуди разни работилници, округла маса активности, регионални средби, проекти и културни активности кои им пружија на учесниците повеќе од само нови вештини и знаења. Ги согледаа сите можности кои ги нуди Youth-led Development и отворија нови порти за креирање на подобра иднина за сите граѓани на планетата Земја.

Навистина е неверојатно да се видат стотици млади на едно место, сите работејќи колективно за општото добро, цело време водени од еден турски збор – IMECE! Imece се однесува на древната традиција за солидарност и заедничка акција во решавањето на проблемите на секојдневниот човек.

Младите можат, со својот претставник Ана Пискачева се горди што зедоа учество на ваков настан. Ветуваме дека ќе продолжиме со ширење на пораката што ја научивме и да се инспирираме самите и другите да продожат со адресирање на итните потреби на нашите заедници и светот.

Младинска размена „Вистинска приказна“

Во периодот од 22 до 30 август 2010 година, ЗГ Младите можат, Младинскиот Образовен Форум и невладина организација од Чешка ја организираа младинската размена „Вистинска приказна“, која се одржа во Струга, Македонија. Триесет млади на возраст од 14 до 25 години имаа можност да се запознаат подобро преку неформално образование.

Претставници на Младите можат беа Виктор Милошевски, како тим лидер и Викторија Крстевска, Стефан Христов, Александар Петрушовски и Сања Рајевска како членови. Оваа младинска размена која донесе група млади од Македонија и Чешка на едно место беше со цел културна размена за подобро разбирање на своите култури. Учесниците работеа на разни задачи во текот на денот а ноќта беше исполнета со забави и социјализацијата беше застапена во текот на целиот ден.

Оваа размена преку промоција на младинска мобилност цели кон активна социјализација на младите, користејќи ги алатките на неформалното образование, превземање на иницијатива за спроведување на идеја поврзана со креативно изразување со цел допринос за позитивен социјален развој.

Во склоп на оваа младинска размена, нашата организација вклучи ранлива група на млади (девојки кои доаѓаат од семејства со историја на семејно насилство). Сметаме дека е особено важно овие деца да добијат шанса преку разни методи да го пребродат тој дел од нивниот живот, да го согледаат својот капацитет, потенцијал и можности. Со оваа културна размена, допринесовме за промена на секојдневниот живот на децата жртви на семејно насилство, кои имаат потреба од активно асистирање во социјализацијата од таков вид. За таа цел нашиот и тимот на MWRC-Shelter Centre, ги разгледа и можностите за понатамошна соработка со цел вклучување на оваа млада ранлива популација во механизмите за самоиницијативност и позитивен персонален развој.

Искуството на еден учесник на младинскиот тренинг „Како правилно да се искористат новите технологии во промовирање на вашата НВО“ во Полска

Да имаш прилика да посетиш една прекрасна држава како Полска, а притоа да имаш можност да запознаеш луѓе од 13 други земји, вклучувајќи ги Бугарија, Грција, Литванија, Полска, Унгарија, Латвија, Шпанија, Белгија, Португалија, Хрватска, Италија, Романија и Словачка и да научиш како успешно да го пласираш твојот “продукт“ на маркетот за невладини организации е неповторливо. Како член на Извршниот одбор на една младинска организација ова беше искуство и пол за мене – си помислив „супер, нови луѓе = нови партнерства + пријателства“.

slika-3-500x238

Од 2ри до 10ти август 2014, во областа Swieradow-Zdroj, Полска се работеше на проектен менаџмент, NGOspeed dating, користење на аналитички алатки за твојот продукт, правилно користење на социјалните мрежи во промовирање на твојата организација, креирање на драфт проект за понатамошна соработка меѓу учесниците и нивните организации, откривање на маркетиншки трикови, и меѓу сето ова се и прошетка низ Вроцлав, спорт и рекреација и неколку интернационални вечери исполнети со уникатни јадења и пиење, традиционална музика, многу забава, смеа и дружба.

Навистина беше интересно да се види какви се организации има, за која цел биле креирани, на што работат, да се презентираат нивните практики кога станува збор за промоција, креативност во проекти и маркетинг, како одржуваат комуникација со другите организации, институции и најважно, со нивните членови и таргет група/и.

slika1-500x333За мене лично, една од најинтересните активности беше креирањето на вистинските проекти во група со членови на други организации. Уникатен беше начин на кој тоа беше изведено – најпрвин сите напишавме на што би сакале да работиме, која област нас не’ привлекува, потоа овие области беа групирани во 4 групи на пошироки области, а пак овие 4 групи на проектни идеи беа поделени меѓу 4 групи на учесници од 4-8 луѓе. Беше доста интересно што и покрај различните идеи со некои сличности, се склопи една заедничка идеја на која се работеше неколку дена, со помош на менторите и тренерите, за да дојдеме до целосен project proposal.

 

Покрај сета „работа“ од јутра до сутра што би се рекло, вечерите беа исполнети со забава, смеа, дружба меѓу учесниците особено на интернационалните вечери, каде што пробуваш белгиско чоколадо, романски слатки кои се произведуваат по оригиналниот рецепт и имаат ист лик како од Втората светска војна, хрватска домашна ракија чувана 14+ години, грчко ѕаѕики, слатко шпанско вино и многу други специјалитети.

 

Не сум долго време вклучена во невладиниот сектор, нема ни година дена, ама досега имав можност да посетам 3 тренинзи, обуки и младински размени надвор од Скопје и Македонија и можам да кажам дека чувството дека се забавуваш додека учиш и работиш е супер. Им препорачувам на сите млади да се пријавуваат на вакви настани зашто верувајте, секогаш излегува подобро одошто сте очекувале. Дури и да не е така, секогаш може нешто да се научи, и како нешто треба и како нешто не треба.

Младинска размена во Краиова, Романија

О10850737_10205057121769034_1727758583_n-500x281ваа есен, во периодот од 17ти до 29ти ноември, заедно со уште 6 други членови на Младите можат, учествував во младинска размена во рамки на Еразмус+ програмата во Краиова, Романија. Темата на оваа размена беше „мултикултурализам“ и во оние 12 дена поминати таму, вистински го почувствувавме значењето на тој поим. На тренингот имаше учесници од Шпанија, Романија, Турција, Албанија, Чешка и Македонија. Како што можете да забележите, имаше 6 различни земји со 6 различни култури и менталитети. Како и да е, клучно беше што сите бевме млади, ги познававме заедничките интереси на младите како добра забава и најважно, разбирање меѓу себе. Искрено, јас воопшто немав проблем да се прилагодам на сите тие различности а верувам дека и никој од останатите учесници не се соочи со ваков проблем.

 

Позитивно сум изненадена од дневните предавања, кои беа навистина интересни и едукативни. Понекогаш, работите што ги учевме во текот на денот, беа видливи навечер, на културните вечери. Една од применливите и приметени игри во пракса, беше „играта на улоги“. Се поделивме по групи, секоја група сочинета од учесници од различни земји и ни беше дозволена да говориме само на нашиот мајчин јазик. Звучи интересно, но исто така беше и тешко. Оваа „игра на улоги“ обично ја игравме за време на културните вечери, каде музиката беше гласна и беше овозможено да се разбереш со соговорникот само преку мимики и гестикулации.10360188_10152693664214191_10515687897523792_n-466x350

Оваа размена беше супер искуство за мене. Дефинитивно не застанувам тука и ќе аплицирам и на други, а сите оние кои досега не биле на ниедна младинска размена или тренинг, ги охрабрувам да го сторат тоа бидејќи не само што запознаваш нови луѓе, култури, не само што се забавуваш, туку и стануваш послободоумен и исполнуваш некои сопствени цели за личен развој.

Автор: Мери Бакалова, член на Младите можат

ЕВС ИСКУСТВОТО НА РОМСКИТЕ СТУДЕНТИ ВО ГЕРМАНИЈА

Игбал Алиова и Дениз Исмаили вејќе една година се наоѓаат во Германија извршувајќи си ја својата должност како ЕВС волонтери. Игбал е млада и амбициозна девојка која има дипломирано на катедрата „ Предоучилишно образование и воспитување “ на Универзитетот „ Гоце Делчев “ во Штип, додека Дениз своето високо образование го завршил дипломирајќи на Југоисточниот Европски Универзитет во Тетово, на институтот „ Јавна администрација “. 

И двајцата ромски студенти раскажуваат за нивната одлука и решителност да ја искористат ЕВС програмата за која велат дека  е преубава можност за секој млад човек. Едногласни се кога велат дека не му било сеедно дека ќе морат да се помират со фактот дека заминуваат во држава која што на некој начин и за двајцата е непозната територија. Носталгични се кога се споменува нивната држава Македонија и нивните родни места Штип и Тетово. Но, сепак велат дека амбициозноста ги натерало кон запознавање на непознатото.

Започнале со стандардната процедура при аплицирање која што треба да се проследи за да се стане ЕВС волонтер. Ја пронашле својата организација испраќач и организацијата примач. Игбал завршила во невладината организација „ Амаро Дром “ со седиште во Берлин. Додека. Дениз се стационирал во Дизелдорф како волонтер во невладинара организација „ Терно Дром “.

evs2Кога ги прашавме што е тоа што ги натерало на таквата одлука да заминат надвор од државата, Дениз вели дека пред се предизвикот. Смета дека ја направил вистинската одлука за подобра иднина и остварување на неговите цели за понатамошен живот. На почетокот се било ново и чудно за него – градот, луѓето, времето и јазикот. Волонтирал со деца кои што имале имигрантска позадина на возраст од 6 до 12 години во Младинскиот центар V24. Позитивната работа која што ја истакнува е тоа што при процесот на волонтирање, веќе имал работно искуство со деца како Ром медијатор во училиште во Тетово. На почетокот германскиот јазик бил потешкотијата при процесот на комуникација, но успеал да го усоврши според предвидената програма за изучување на странски јазик. Исто така, раскажува дека имал можност да покрене иницијатива која што резултирала со флеш – моб по повод 8 – ми Април меѓународниот ден на ромите, во Дизледорф.

Причината поради која младата и амбициозна девојка се решила на ваков чекор била потрагата по непознатото и подобра иднина. Вели дека многу млади луѓе не се свесни за ЕВС програмата, како и за можностите кои ги нуди. Пред се тоа што може да се искористи покрај здобивање со работни вештини, е можноста од патување кон земјите од соништата, широк дијапазон на култури, развивање на комуникациските вештини, изучување на странски јазици, скапоцени пријателства и незаборавни забави.Работата на Игбал како волонтерка се состоела од работа со деца од предшколска возраст. Пресреќна е што и се овозможило шанса се она што теоретски некогаш го стекнала, сега преку пракса да го примени. Истакнува дека ЕВС е искуство кое што секој млад треба да го посакува, и да знае дека тоа само еднаш се случува во животот.

evs22

Средствата се доволни за да се живее удобно – велат и двајцата волонтери. Научиле како е да се биде самостоен и независен, како да ги менаџираат финансиите, и да направат добра алокација на преостанатите ресурси.

Испраќаат порака до сите млади со надеж дека ќе ја најдат својата организација – примач, и ќе ја искористат ЕВС програмата. Се што треба да се направи велат младите волонтери, е да се биде амбициозен и склон кон непознатото кое што на крај ќе произведе капацитет и поуспешна иднина. Богата биографија и непроценливи искуства и пријатели.

Европскиот волонтерски сервис (European Voluntary Service) е програма за волонтирање финансирана од програмата „Млади во акција“ на Европската комисија. Оваа програма им нуди на младите од 18 до 30 години можност да волонтираат за некоја организација во странска земја, во временски период од три месеци до една година, работејќи на проекти од различни области – спорт, култура, младинска работа, социјална грижа, уметност, животна средина, локален развој итн. Програмата ги покрива сите трошоци за пат, за осигурување, за сместување и за сметки, за храна и за џепарлак на волонтерот.

Автор:Сунаи Сабриоски, студент на институтот по новинартсво на Правен факултет Јустинијан Први, трета година.

ЕВС- искуство кое вреди да се проба!

По завршувањето на факултетот веднаш се запишав на магистерски студии, најдов работа во која не се пронаоѓав и секој нареден ден само чекав да помине. Ме убиваше досада, па така трагајќи по ново искуство и нова авантура решив да отидам во странство. Да најдам работа беше многу тешко со оглед на тоа што не сме ЕУ членка, немам бугарски пасош и немам завршено медицина. По препорака на другарка, која во тој период само што се врати од истата програма, решив да барам проект за ЕВС. Не знаев речиси ништо за тоа, не знаев каде да барам сендинг организација и малку бев скептична. На страната за евс акредитирани организации ја најдов мојата сендинг организација „Младите Можат“, ги исконтактирав и за 5 минути ми одговорија на мејлот. Така всушност и започна мојата приказна како член на „Младите Можат“ кои ми помогнаа во целиот процес кој траеше прилично долго зошто сакав да најдам нешто што ќе ме исполнува, а не било каков проект.

Волонтирам и живеам во Улм, Германија. Овде да се биде волонтер не значи да вариш кафе, да копираш материјали, да седиш на фејсбук и да не знаеш што да правиш со себе. Од друга страна не значи да работиш за тројца вработени и се да биде на твој грб. Не значи да чекаш 4000 денари и никогаш да не ги дочекаш. Да бидеш волонтер значи да работиш најмногу 35 часови во неделата, а за тоа добиваш стан, јадење, карта за превоз и џепарлак. Покрај тоа платена е и авионската карта до местото каде што е проектот.

Мојот проект е поврзан со работа со деца од семејства со тешки социјални проблеми.Среќна сум што можам да направам барем за момент да се почувствуваат сакани, тоа многу им значи. Организираме излети, одиме на базен, во археолошки парк, на картинг, правиме ракотворби, готвиме, нудиме програма за време на распуст итн. Тоа се само дел од активностите. Секој ден гледам насмеани лица кои зрачат од благодарност.

Да се биде ЕВС волонтер значи и да патуваш, да запознаваш нови луѓе.

 10751663_10205341353714186_1430597978_n-500x331

Бев на семинар со евс волонтери кои доаѓаат од цела Европа и беше толку убаво што не сакав да заврши. Сите беа задоволни и со страст раскажуваа за својот проект и обврските кои ги имаат. По 7 дена требаше да одам на работа и обично сите сме депресивни кога после одмор или екскурзија се враќаме на секојдневните обврски, но овој пат бев среќна зошто знаев дека и неделата што следи ќе биде исто толку интересна и убава.

Да се биде евс волонтер значи да се здобиеш со животно искуство и вештини, значи да живееш сам и да си го организираш животот како што сакаш, да учествуваш на семинари, да си дел од Европски проект, да оствариш контакти кои во иднина ќе ти бидат од голема корист. Да бидеш евс волонтер значи да се разбудиш среќен и да го цениш секој момент, да го гледаш животот од друга перспектива.

Затоа, го советувам секој од вас да се обиде да најде нешто за себе, нешто што ќе го прави среќен и ќе му помогне да се изгради како личност, а ќе му помогне и од професионална гледна точка. Евс волонтер можеш да бидеш еднаш во животот, најмногу 12 месеци. Јас бев одбрана помеѓу 150 луѓе од цела Европа и ја добив шансата за која многу луѓе сонуваат. Обидете се и вие зошто да се биде дел од оваа програма е најубавото нешто што можете да го доживеете.

evs

Младинска Размена „Креативна младина=Активна младина“.

1291293_10203081476931637_1167438639_n-466x350Во периодотод 05-14 мај, во градот Лесковац, во Србија, се одржа меѓународна младинска размена „Креативна младина=Активна младина“.

На размената учествуваа 42 млади луѓе од 6 земји: Србија, Македонија, Босна и Херцеговина, Бугарија, Романија и Унгарија.

Целта на размената беше да им се помогне на младите невработени луѓе од овие земји да откријат повеќе начини за активно учество во периодот на невработеност, да ги споделат своите искуства со другите учесници и да ја подигнат свеста за потребните вештини и знаења со кои може да се здобијат во периодот на барање работа.

За време на размената учесниците имаа можност да одржат презентации за ситуацијата со невработеноста во нивните земји и да дискутираат за мерките кои се преземаат за намалување на невработеноста кај младите.

Младите имаа можност да се запознаат со претставници од локалната компанија „Здравје Актавис“ и веб-порталот „Лесковачки вести“, да ги слушнат нивните презентации за нивното лично професионално 10437251_10203081476851635_618055332_n-500x332искуство, да научат и дискутираат за начини на градење личен бренд користејќи го интернетот, социјалните мрежи и секоја достапна социјална и едукативна алатка која им стои на располагање, сè со цел да станат повидливи на пазарот на трудот.  Во склоп на овие презентации беше и темата за претприемништво како еден начин на справување со невработеноста, по која следуваа прашања од учесниците и работилници, со цел да се примени стекнатото знаење.

Исто така, беше организиран и курс по фотографија во соработка со Лесковачкиот фото клуб. Целта на курсот беше учесниците да се здобијат со основни познавања за фотографијата и да научат како може да се искористи фотографијата за маркетинг. По курсот, секој учесник имаше за задача да направи своја фотографија на тема „Целта на младите“ (Point of YOUth). Сите фотографии беа изложени во Лесковачкиот културен центар, а најдобрите фотографии беа наградени.

10425586_10203081476811634_871555007_n-466x350Покрај изложбата, учесниците имаа можност да ги презентираат своите компании, кои настанаа како резултат на активностите во текот на размената. Учесниците беа поделени во 7 групи, од кои секоја требаше да основа своја компанија, да ја дефинира својата мисија и визија и да понуди производ или услуга на пазарот. Секоја група имаше 2 минути да се претстави, а потоа следуваше симулација на купување акции од компаниите и прашања од присутните гости.

Покрај овие работилници и активности, учесниците ги посетија Народниот музеј и Хисарот, како дел од најзначајните знаменитости во Лесковац. Исто така, беа во посета и на Младинскиот клуб, каде што имаа можност да се запознаат со членовите и нивните активности и досегашни и идни проекти.

Распоредот на активности беше следниот:

–           Презентација за младинска невработеност од секоја земја-учесник

–           Презентација на тема: Индустриска револуција и причини за невработеност

–           Курс по фотографија (Александар Стаменковиќ, Фото клуб – Лесковац)

–           Работилница: Perfect Employee; потребни и соодветни вештини за одредено работно место (Иван Кулиќ, Здравје Актавис – Експерт од областа на човечки ресурси)

–           Презентација: Младинско претприемништво (Илија Стојановиќ, Извршен директор AKADEMEIA)

–           Работа во групи – симулација на компании, дефинирање на производ/услуга, мисија и визија на компанијата, маркетинг, промоција

–           Презентација на компаниите и импровизација на берза

–           Изложба на фотографии во Лесковачкиот културен центар

–           Организирана посета на знаменитости во Лесковац

–           Посета на Младинскиот клуб во Лесковац, презентација за нивните активности и проекти

–           Културна вечер на секоја земја, презентации за нивните култура, традиција, знаменитости.

Покрај сите овие активности, знаењето и искуството со кое се здобија учесниците, неизбежно е да се спомене забавниот дел од размената, забавите, дружењето, новите пријателства и спомените.

10439520_10203081476891636_849655835_n-466x350 10443859_10203081476771633_1449208947_n-466x350

МЛАДИНСКИ ТРЕНИНГ: Fighting Youth Unemployment, 12-18 март, Лесковац, Србија

leskovacОд 12 до 18 март 2012 година во Лесковац се одржа младинскиот тренинг во организацијата на НВО Народни парламент. Како членови на Младите можат на овој тренинг присуствуваа Нина Цекиќ и Михајло Тошевски. Покрај нив исто така учество земаа учесници од Романија, Србија и Бугарија.

Главните теми кои беа опфатени на тренингот беа:

Што значи волонтирањето и зошто младите луѓе треба да волонтираат?
Важноста на младинскиот активизам
Поттикнување на младите преку неформалното образование
Врската помеѓу младинската невработеност, социјалната исклученост и сиромаштијата
Идеи за борба против невработеноста

Волонтирањето беше една од “жешките теми”. Учесниците направија анкета, прашувајќи ги луѓето од Лесковац “Како луѓето волонтираат и зошто”?. Исто така учесниците научија и за тоа каква улога игра невладиниот сектор во личниот и професионалниот развој.

Беа спомнувани многу идеи за нови бизниси, социјални иницијативи и креативни проекти. Последниот ден беше планиран за креирање на проекти, учење на нови техники за менаџирање на протки и како да се исполнат целите на истите.

Сесиите беа базирани на тимска работа, споделување на знаењето и искуството како и размена на идеи помеѓу учесниците. На крајот сите споделија мислење за целосната организацијата на тренингот и идеи за идни проекти.